ઓપન સોર્સ ગોપનીયતા ટેક્નોલોજી દ્વારા મુક્ત અભિવ્યક્તિનું રક્ષણ કરવું અને સુરક્ષિત વૈશ્વિક સંચારને સક્ષમ કરવું.
અમારું મિશન
ઓપન સોર્સ ગોપનીયતા ટેક્નોલોજી દ્વારા મુક્ત અભિવ્યક્તિનું રક્ષણ કરો અને સુરક્ષિત વૈશ્વિક સંચારને સક્ષમ કરો.
ગોપનીયતા પ્રથમ
અમારી ફ્લેગશિપ પ્રોડક્ટ, Signal મેસેન્જર સાથે, અમે માનીએ છીએ કે ઉપયોગકર્તાની ગોપનીયતાની હિમાયત કરવી એટલે તમારા તેમજ અમારા ડેટાને "જવાબદારીપૂર્વક" મેનેજ કરવા ઉપરાંત, કોઈના પણ હાથમાં આવવાથી દૂર રાખવા.
ઓપન સોર્સ
ઓપન સોર્સ કોમ્યુનિટીના પ્રતિબદ્ધ સભ્ય તરીકે, અમે અન્ય કંપનીઓ માટે તેમની પોતાની પ્રોડક્ટ અને સેવામાં અપનાવવા માટે અમારી ટેક્નોલોજીને પ્રકાશિત કરીએ છીએ અને જ્ઞાન વહેંચીએ છીએ.
બિનલાભકારી
Signal ફાઉન્ડેશન એ 501c3 અનુસાર બિનલાભકારી છે. અમને તે પદ માટે ગર્વ છે અને અમે એ સાબિત કરવા કટિબદ્ધ છીએ કે એક બિનલાભકારી પણ કોઈ લાભકારી હેતુ દ્વારા ચલાવાતા વ્યવસાય જેટલી જ અભિનવતા અને ઉન્નતિ લાવી શકે છે.
ફાઉન્ડેશન + LLC
Signal ફાઉન્ડેશનની રચના 2018માં Signal મેસેન્જરને સપોર્ટ કરવા માટે કરવામાં આવી હતી જેનો ઉદ્ભવ 2012માં થયો હતો. ફાઉન્ડેશન દ્વારા, અમે Signalની વૃદ્ધિ અને ચાલુ કામગીરીને સપોર્ટ કરવા તેમજ ખાનગી સંદેશાવ્યવહારના ભાવિની તપાસ કરી શક્યા છીએ.
નફા કરતાં ગોપનીયતા વધુ મહત્વની છે
Signal એક બિનલાભકારી સંસ્થા છે જેમાં કોઈ જાહેરાતકારો કે રોકાણકારો નથી અને તે ફક્ત તમારા જેવા લોકો દ્વારા જ ટકી રહી છે જે તેનો ઉપયોગ અને કદર કરે છે.
ફાઉન્ડેશન + LLC સ્ટ્રક્ચર શા માટે?
અમે Signal મેસેન્જરની મૂળ કંપની તરીકે Singal ફાઉન્ડેશનની રચના કરી છે કારણ કે અમે એક દિવસ અન્ય ગોપનીયતા જાળવતા પ્રોજેક્ટ્સને પ્રોત્સાહિત કરવાની આકાંક્ષા રાખીએ છીએ જે સમાન મિશન સુધી પહોંચે.
દરેક માટે મફત
અમે Signal મેસેન્જરને વિશ્વભરના લાખો લોકોને એક નિઃશુલ્ક ઍપ તરીકે પહોંચાડવા માટે કોમ્યુનિટીના સપોર્ટ પર નિર્ભર છીએ. શું તમે આ પ્રયોજનને સપોર્ટ કરશો?
બોર્ડના સભ્યો
Amba Kak
Amba Kak (અંબા કાક) એક વકીલ અને ટેક્નોલોજીના પોલિસી નિષ્ણાત છે, જે એક દાયકાથી વધુ સમયની ટ્રાન્સ-નેશનલ કુશળતા સાથે સરકારી નિયમનકારો, ઉદ્યોગ, નાગરિક સમાજ સંસ્થાઓ અને પરોપકારીઓને સલાહ આપે છે. તેણી હાલમાં ન્યુ યોર્કની એક અગ્રણી પોલિસી રિસર્ચ સંસ્થા, AI Now Instituteના એક્ઝિક્યુટિવ ડિરેક્ટર છે અને નોર્થઇસ્ટર્ન યુનિવર્સિટીમાં સાયબર સુરક્ષા અને ગોપનીયતા સંસ્થામાં સિનિયર સભ્ય છે.
અંબાએ યુ.એસ. ફેડરલ ટ્રેડ કમિશનમાં વરિષ્ઠ સલાહકાર તરીકે સેવા આપી હતી જ્યાં તેણી ઉભરતી તકનીકી સમસ્યાઓ પર નિયમનકારને સલાહ આપતી હતી. AI Now પહેલાં, અંબા મોઝિલામાં વૈશ્વિક પોલિસી સલાહકાર હતી જ્યાં તેણીએ એશિયા-પેસિફિક પ્રદેશ અને તેનાથી આગળ ડેટા ગોપનીયતા કાયદા અને નેટવર્ક તટસ્થતા જેવા મુદ્દાઓ પર સંસ્થાઓની સ્થિતિ વિકસાવી અને આગળ વધારી. તેણી હાલમાં મોઝિલા ફાઉન્ડેશન ખાતે બોર્ડ ઓફ ડિરેક્ટર્સ પ્રોગ્રામ કમિટીમાં બેસે છે. અંબાએ ભારતની નેશનલ યુનિવર્સિટી ઓફ જ્યુરિડિકલ સાયન્સમાંથી BA LLB (ઓનર્સ)ની ડિગ્રી મેળવેલી છે. તેણીએ ઓક્સફર્ડ યુનિવર્સિટીમાં કાયદામાં માસ્ટર્સ (BCL) અને ઇન્ટરનેટના સામાજિક વિજ્ઞાનમાં M.Sc. કર્યું છે, જેમાં તેણીએ રોડ્સ સ્કોલર તરીકે હાજરી આપી હતી.
Brian Acton
Brian Acton (બ્રાયન એક્ટન) એક ઉદ્યોગસાહસિક અને કોમ્પ્યુટર પ્રોગ્રામર છે જેમણે 2009 માં મેસેજિંગ ઍપ WhatsAppની સહ-સ્થાપના કરી હતી. 2014માં Facebookને ઍપ વેચી દીધા પછી, Actonએ તેના પ્રયાસોને બિનલાભકારી સાહસો પર કેન્દ્રિત કરવા માટે અને ગ્રાહક ડેટાના ઉપયોગ અને લક્ષ્યાંકિત જાહેરાતોને લગતા તફાવતોને કારણે કંપની છોડવાનું નક્કી કર્યું. 2018ના ફેબ્રુઆરીમાં, Actonએ Moxie Marlinspike (મોક્સી માર્લિન્સપાઇક)ની સાથે Signal ફાઉન્ડેશન શરૂ કરવા માટે તેણે પોતે $50 મિલિયન જેટલું રોકાણ કર્યું. Signal ફાઉન્ડેશન એ એક બિનલાભકારી સંસ્થા છે જે ખાનગી સંદેશાવ્યવહારને સુલભ, સુરક્ષિત અને સર્વવ્યાપક બનાવવાને લગતા પાયાના કામ કરવા પ્રત્યે સમર્પિત છે.
WhatsApp અને Signal ફાઉન્ડેશનની સ્થાપના કરતા પહેલાં, Actonએ Apple, Yahoo અને Adobe જેવી કંપનીઓમાં 25 વર્ષથી વધુ સમય સુધી સોફ્ટવેર નિર્માતા તરીકે કામ કર્યું હતું.
Jay Sullivan
જય એક પ્રોડક્ટ બિલ્ડર છે જે સિનિયર કન્ઝ્યૂમર ટેક્નોલોજીમાં વ્યાપક પ્રોડક્ટ અને એન્જિનિયરિંગ નેતૃત્વની ભૂમિકાઓમાં વ્યાપક જાણકારી ધરાવે છે. હમણાંના જ સમયમાં, તેઓ Twitterના ઉપભોક્તા અને આવક ઉત્પાદનો, અગ્રણી એન્જિનિયરિંગ, પ્રોડક્ટ, ડિઝાઇન, સંશોધન અને ડેટા વિજ્ઞાનના જનરલ મેનેજર હતા. Twitter પહેલાં, જય Facebook પર કામ કરતા હતા, જ્યાં તેણે રિયાલિટી લેબ્સના AI આસિસ્ટન્ટના વિકાસનું નેતૃત્વ કર્યું અને પછી Messenger અને Instagram ડાયરેક્ટ માટે ગોપનીયતા, અખંડિતતા અને સિસ્ટમ પ્રોડક્ટ ટીમનું નેતૃત્વ કર્યું. જય Mozilla ખાતે પ્રોડક્ટના SVP અને ચીફ ઓપરેટિંગ ઓફિસર હતા, જ્યાં તેમણે Firefoxની ચડતી દરમિયાન મુખ્ય રિલીઝનું નેતૃત્વ કર્યું હતું અને વેબ પ્લેટફોર્મ માટે અને લોકોને ઓનલાઇન વધુ પસંદગી અને નિયંત્રણ આપવા માટેના તેઓ પ્રચારક હતા.
જય એક સ્ટાર્ટ-અપ સ્થાપક પણ છે અને તેમણે પોતાની કારકિર્દીનો પ્રારંભિક ભાગ Firefly Network (Microsoft દ્વારા ખરીદાયેલ) અને Oracleમાં સોફ્ટવેર એન્જિનિયર અને એન્જિનિયરિંગ મેનેજર તરીકે વિતાવ્યો હતો.
જય Yale કૉલેજમાંથી એપ્લાઇડ મેથેમેટિક્સમાં B.S.ની ડિગ્રી ધરાવે છે અને યુનાઇટેડ સ્ટેટ્સની ઘણી પેટન્ટના સહ-સંશોધક પણ છે.
Katherine Maher
કેથરિન મહેર Wikipedia માટે જવાબદાર વિકિમીડિયા ફાઉન્ડેશનના ભૂતપૂર્વ CEO અને એક્ઝિક્યુટિવ ડિરેક્ટર છે. તેણી હાલમાં એટલાન્ટિક કાઉન્સિલમાં બિન-નિવાસી સિનિયર સભ્ય છે, જ્યાં તેમનું કાર્ય ટેકનોલોજી, માનવ અધિકારો અને લોકશાહીના આંતરછેદ પર કેન્દ્રિત છે. વિકિમીડિયા પહેલાં, તેણી ડિજિટલ અધિકારોના સંગઠન Access Now માટે એડવોકેસીના નિયામક હતી. મહેર કાઉન્સિલ ઓન ફોરેન રિલેશન્સના ટર્મ મેમ્બર છે, વર્લ્ડ ઇકોનોમિક ફોરમ યંગ ગ્લોબલ લીડર છે અને ટ્રૂમેન નેશનલ સિક્યુરિટી પ્રોજેક્ટમાં સિક્યોરિટી ફેલો છે. તેણી સેન્ટર ફોર ટેક્નોલોજી એન્ડ ડેમોક્રેસી, કન્ઝ્યુમર રિપોર્ટ્સ, ડિજિટલ પબ્લિક લાઇબ્રેરી ઑફ અમેરિકા, એડવેન્ચર સાયન્ટિસ્ટ્સ અને System.comના બોર્ડ ઓફ ડિરેક્ટર્સમાં છે, તેમજ અમેરિકન યુનિવર્સિટી ઓફ બેરૂતના ટ્રસ્ટી છે. તેણી યુ.એસ. ડિપાર્ટમેન્ટ ઓફ સ્ટેટના ફોરેન અફેર્સ પોલિસી બોર્ડની નિયુક્ત સભ્ય છે, જ્યાં તેણી સેક્રેટરી ઑફ સ્ટેટને ટેકનોલોજી પોલિસી પર સલાહ આપે છે. તેણીએ ઇજીપ્તના કૈરોમાં અમેરિકન યુનિવર્સિટીની અરેબિક લેંગ્વેજ ઈન્સ્ટિટ્યૂટમાં અને ઈન્સ્ટિટ્યુટ ફ્રાન્સાઈસ ડી'એટુડેસ અરબેસ ડી દમાસ (L'IFEAD) દમાસ્કસ, સીરિયામાં અભ્યાસ કર્યા પછી, 2005માં ન્યુ યોર્ક યુનિવર્સિટીની કોલેજ ઓફ આર્ટસ એન્ડ સાયન્સમાંથી મિડલ ઇસ્ટર્ન અને ઇસ્લામિક સ્ટડીઝમાં સ્નાતકની ડિગ્રી મેળવેલી છે.
Meredith Whittaker
Meredith Whittaker એ Signalના પ્રમુખ અને Signal ફાઉન્ડેશનના બોર્ડ ઓફ ડિરેક્ટર્સના સભ્ય છે.
તેણી ટેક, વ્યાપક ઉદ્યોગ, શિક્ષણ અને સરકારમાં 17 વર્ષથી વધુનો અનુભવ ધરાવે છે. Signalમાં પ્રમુખ તરીકે જોડાતા પહેલાં, તેણી NYU ખાતે Minderoo રિસર્ચ પ્રોફેસર હતા, અને તેણીએ પોતાના દ્વારા સહ-સ્થાપિત AI Now સંસ્થાના ફેકલ્ટી ડિરેક્ટર તરીકે સેવા આપી હતી. તેણીના સંશોધન અને વિદ્વતાપૂર્ણ કાર્યએ વૈશ્વિક AI પોલિસીને આકાર આપવામાં અને આધુનિક AI માટે દેખરેખ વ્યવસાય પદ્ધતિઓ અને જરૂરી ઔદ્યોગિક સંસાધનોની એકાગ્રતાને વધુ સારી રીતે ઓળખવા માટે AI પરના જાહેર વૃતાંતને બદલવામાં મદદ કરી. NYU પહેલાં, તેણીએ એક દાયકાથી વધુ સમય સુધી Google પર કામ કર્યું, જ્યાં તેણીએ ઉત્પાદન અને એન્જિનિયરિંગ ટીમનું નેતૃત્વ કર્યું, Googleના ઓપન રિસર્ચ ગ્રુપની સ્થાપના કરી અને M-Labની સહ-સ્થાપના કરી, જે વૈશ્વિક સ્તરે ડિસ્ટ્રીબ્યુટેડ નેટવર્ક મેઝરમેન્ટ પ્લેટફોર્મ છે જે હવે ઇન્ટરનેટ પ્રદર્શન પરના ઓપન ડેટાનો વિશ્વનો સૌથી મોટો ઓપન સોર્સ પૂરો પાડે છે. તેણીએ Googleમાં મુખ્ય આયોજનમાં પણ મદદ કરી. તેણી AI અને તેના નુકસાન અંગેની ચિંતાઓ પ્રત્યે કંપનીના અપૂરતા પ્રતિભાવ સામે પાછળ ધકેલનારા મુખ્ય આયોજકોમાંની એક હતી અને Google Walkoutની કેન્દ્રીય આયોજક હતી. તેણીએ વ્હાઇટ હાઉસ, FCC, ન્યુ યોર્ક શહેર, યુરોપિયન સંસદ અને અન્ય ઘણી સરકારો અને નાગરિક સમાજ સંસ્થાઓને ગોપનીયતા, સુરક્ષા, કૃત્રિમ બુદ્ધિમત્તા, ઇન્ટરનેટ નીતિ અને માપન અંગે સલાહ આપી છે. અને તેણીએ તાજેતરમાં યુએસ ફેડરલ ટ્રેડ કમિશનમાં અધ્યક્ષના AI પરના વરિષ્ઠ સલાહકાર તરીકેનો કાર્યકાળ પૂર્ણ કર્યો છે.
Emeritus
Moxie Marlinspike
Moxie Marlinspike એ Signalના સ્થાપક છે.