Signal Foundation

ဘုတ်အဖွဲ့ဝင်များ

Amba Kak

Amba Kak သည် ရှေ့နေနှင့် နည်းပညာဆိုင်ရာ မူဝါဒကျွမ်းကျင်သူတစ်ဦးဖြစ်ပြီး အစိုးရ စည်းကမ်းထိန်းသိမ်းရေးအဖွဲ့များ၊ စက်မှု၊ အရပ်ဘက်လူမှုအဖွဲ့အစည်းများနှင့် ပရဟိတအဖွဲ့အစည်းများကို နိုင်ငံအများအပြားတွင် ဆယ်စုနှစ်တစ်ခုကျော် အကြံပေးခဲ့သူ ဖြစ်ပါသည်။ သူသည် လက်ရှိတွင် နယူးယောက်ရှိ ထိပ်တန်း မူဝါဒရေးရာ လေ့လာသုံးသပ်ရေး အဖွဲ့အစည်း AI Now Institute ၏ အမှုဆောင်ဒါရိုက်တာဖြစ်ပြီး Northeastern တက္ကသိုလ်ရှိ Cybersecurity and Privacy Institute တွင်လည်း အကြီးတန်းအဖွဲ့ဝင်တစ်ဦး ဖြစ်ပါသည်။

Amba သည် အမေရိကန်ပြည်ထောင်စု ဖက်ဒရယ် ကုန်သွယ်ရေးကော်မရှင်တွင် အကြီးတန်းအကြံပေးအဖြစ် ဆောင်ရွက်ခဲ့ပြီး ပေါ်ပေါက်လာနေသော နည်းပညာဆိုင်ရာ ပြဿနာများအတွက် စည်းကမ်းထိန်းသိမ်း‌ရေးအဖွဲ့ကို အကြံပေးခဲ့ပါသည်။ AI Now မတိုင်မီက Amba သည် Mozilla တွင် ကမ္ဘာလုံးဆိုင်ရာ မူဝါဒအကြံပေးဖြစ်ခဲ့ပြီး အာရှ-ပစိဖိတ်နှင့် ၎င်း၏ပြင်ပ ဒေသများတွင် ဒေတာ ကိုယ်ပိုင်အချက်အလက်ဆိုင်ရာ ဥပဒေများနှင့် ကွန်ရက်ဆိုင်ရာ ကြားနေရေးကဲ့သို့သော ကိစ္စရပ်များအတွက် အဖွဲ့အစည်း၏ ရပ်တည်ချက်ကို ချမှတ်ပြီး မြှင့်တင်ပေးခဲ့ပါသည်။ လက်ရှိတွင် သူသည် Mozilla ဖောင်ဒေးရှင်းရှိ ဒါရိုက်တာဘုတ်အဖွဲ့ ပရိုဂရမ် ကော်မတီ၌ ပါဝင်နေသည်။ Amba သည် အိန္ဒိယနိုင်ငံရှိ National University of Juridical Sciences မှ BA LLB (Hons) ဘွဲ့ကို ရရှိခဲ့ပါသည်။ Rhodes Scholar အဖြစ် သူတက်ရောက်ခဲ့သော အောက်စဖို့ဒ် တက္ကသိုလ်တွင် အင်တာနက် လူမှုသိပ္ပံဆိုင်ရာ Masters in Law (BCL) နှင့် MSc ဘွဲ့များကိုလည်း ရရှိထားပါသည်။

Brian Acton

Brian Acton သည် စွန့်ဦးတီထွင် လုပ်ငန်းရှင်တစ်ဦး ဖြစ်ပြီး 2009 ခုနှစ်တွင် WhatsApp မက်ဆေ့ချ်အက်ပ်ကို ပူးတွဲတည်ထောင်ခဲ့သည့် ကွန်ပျူတာ ပရိုဂရမ်မာလည်း ဖြစ်ပါသည်။ 2014 ခုနှစ်၌ ၎င်းအက်ပ်ကို Facebook သို့ ရောင်းချပြီးနောက်ပိုင်း ပစ်မှတ်ထား ကြော်ငြာခြင်းနှင့် သုံးစွဲသူ ဒေတာ အသုံးပြုမှု ကွဲပြားချက်များကြောင့် Acton သည် အကျိုးအမြတ် မယူသည့် လုပ်ငန်းများအတွက် သူ၏ ကြိုးပမ်းအားထုတ်မှုကို အာရုံစိုက်နိုင်ရန် ကုမ္ပဏီမှ ထွက်ခဲ့ပါသည်။ 2018 ခုနှစ် ဖေဖော်ဝါရီလတွင် Acton သည် Moxie Marlinspike နှင့်အတူ Signal Foundation ကို စတင်ရန် သူ၏ ကိုယ်ပိုင်ငွေ ဒေါ်လာ သန်း 50 ကို ရင်းနှီးမြှုပ်နှံခဲ့ပါသည်။ Signal Foundation သည် ကိုယ်ပိုင် ဆက်သွယ်ရေးကို နေရာတိုင်းတွင် ရရှိနိုင်ရန်နှင့် လုံခြုံစိတ်ချရစေရန် ပြုလုပ်ပေးသည့် အခြေခံ အလုပ်ကို လုပ်ဆောင်ရန် ရည်ရွယ်ထားသော အကျိုးအမြတ် မယူသည့် အဖွဲ့အစည်းဖြစ်ပါသည်။

WhatsApp နှင့် Signal Foundation ကို မတည်ထောင်မီ Acton သည် Apple ၊ Yahoo နှင့် Adobe ကဲ့သို့သော ကုမ္ပဏီများတွင် ဆော့ဖ်ဝဲဖန်တီးသူအဖြစ် 25 နှစ်ကျော် အလုပ်လုပ်ခဲ့ပါသည်။

Jay Sullivan

Jay သည် ထုတ်ကုန်ဖန်တီးသူဖြစ်ပြီး သုံးစွဲသူဆိုင်ရာ နည်းပညာကဏ္ဍတွင် အကြီးတန်း ထုတ်ကုန်ပိုင်းနှင့် အင်ဂျင်နီယာပိုင်း ခေါင်းဆောင်ရာထူးများ၌ ကျယ်ပြန့်သည့် နောက်ခံသမိုင်းကြောင်းကို ပိုင်ဆိုင်ထားပါသည်။ မကြာသေးမီက သူသည် Twitter ၏ သုံးစွဲသူနှင့် ဝင်ငွေဆိုင်ရာ ထုတ်ကုန်ပိုင်း အထွေထွေမန်နေဂျာဖြစ်ခဲ့ပြီး အင်ဂျင်နီယာပိုင်း၊ ထုတ်ကုန်ပိုင်း၊ ဒီဇိုင်းပိုင်း၊ သုတေသနနှင့် အချက်အလက်သိပ္ပံပိုင်းတို့ကို ဦးဆောင်ခဲ့ပါသည်။ Twitter မတိုင်မီက Jay သည် Facebook တွင် Reality Labs ၏ AI Assistant ကို ဖန်တီးရေးဆွဲမှုအား ဦးဆောင်ခဲ့ပြီးနောက် Messenger နှင့် Instagram Direct အတွက် Privacy၊ Integrity နှင့် Systems ထုတ်ကုန်အဖွဲ့များကို ဦးဆောင်ခဲ့ပါသည်။ Jay သည် Mozilla တွင် ထုတ်ကုန်ပိုင်းဆိုင်ရာ SVP နှင့် လုပ်ငန်းလည်ပတ်မှုပိုင်း အရာရှိချုပ်ဖြစ်ခဲ့ပြီး Firefox ၏ အတက်ပိုင်းကာလအတွင်း အဓိကထုတ်ဝေမှုများကို ဦးဆောင်ခဲ့ကာ ဝက်ဘ်ပလက်ဖောင်းအတွက်နှင့် လူအများကို အွန်လိုင်းပေါ်တွင် ရွေးချယ်ခွင့်နှင့် ထိန်းချုပ်ခွင့် ပိုမိုပေးအပ်ခြင်းအတွက် စည်းရုံးသိမ်းသွင်းသူတစ်ဦး ဖြစ်ခဲ့ပါသည်။

Jay သည် လုပ်ငန်းသစ် စတင်တည်ထောင်သူတစ်ဦးလည်း ဖြစ်ခဲ့ပြီး သက်မွေးဝမ်းကျောင်း အစောပိုင်းကာလတွင် Firefly Network (Microsoft က ဝယ်ယူခဲ့) နှင့် Oracle တွင် ဆော့ဖ်ဝဲအင်ဂျင်နီယာနှင့် အင်ဂျင်နီယာပိုင်း မန်နေဂျာအဖြစ် ဖြတ်သန်းခဲ့ပါသည်။

Jay သည် ယေးလ်ကောလိပ်မှ အသုံးချသင်္ချာပညာ B.S. ဘွဲ့ကို ရရှိထားပြီး အမေရိကန်ပြည်ထောင်စု မူပိုင်ခွင့်အများအပြားကို ပူးတွဲတီထွင်ခဲ့သူဖြစ်ပါသည်။

Katherine Maher

Katherine Maher သည် Wikipedia အတွက် တာဝန်ယူထားသည့် Wikimedia ဖောင်ဒေးရှင်း၏ CEO နှင့် အမှုဆောင်ဒါရိုက်တာဟောင်း ဖြစ်ပါသည်။ သူသည် လက်ရှိတွင် အတ္တလန္တိတ်ကောင်စီ၌ နေထိုင်သူမဟုတ်သည့် အကြီးတန်းအဖွဲ့ဝင်တစ်ဦးဖြစ်ပြီး နည်းပညာ၊ လူ့အခွင့်အရေးနှင့် ဒီမိုကရေစီ ကဏ္ဍများ တစ်ခုနှင့်တစ်ခု ဆက်စပ်ပတ်သက်မှုအပေါ် အဓိကထားလုပ်ကိုင်ရပါသည်။ Wikimedia မတိုင်မီက သူသည် ဒစ်ဂျစ်တယ်အခွင့်အရေး အဖွဲ့အစည်း Access Now ၏ Advocacy ဒါရိုက်တာ ဖြစ်ခဲ့ပါသည်။ Maher သည် ပြည်ပဆက်ဆံရေး ကောင်စီ၏ ကာလအလိုက် အဖွဲ့ဝင်နှင့် ကမ္ဘာ့စီးပွားရေးဖိုရမ် ကမ္ဘာလုံးဆိုင်ရာ လူငယ်ခေါင်းဆောင်တစ်ဦး ဖြစ်သည့်အပြင် Truman National Security Project တွင် လုံခြုံရေးဆိုင်ရာအဖွဲ့ဝင်တစ်ဦးလည်း ဖြစ်ပါသည်။ သူသည် Center for Technology and Democracy၊ Consumer Reports၊ Digital Public Library of America၊ Adventure Scientists နှင့် System.com တို့အတွက် ဒါရိုက်တာဘုတ်အဖွဲ့တွင် ပါဝင်သလို American University of Beirut ၏ အုပ်ထိန်းရေးအဖွဲ့ဝင်လည်း ဖြစ်ပါသည်။ သူသည် အမေရိကန်ပြည်ထောင်စု နိုင်ငံခြားရေးဌာန နိုင်ငံခြားရေးရာ မူဝါဒ ဘုတ်အဖွဲ့တွင် ခန့်အပ်ခံရသော အဖွဲ့ဝင်တစ်ဦးဖြစ်ပြီး နည်းပညာမူဝါဒနှင့်ပတ်သက်၍ နိုင်ငံခြားရေးဝန်ကြီးကို အကြံပေးရပါသည်။ သူသည် အီဂျစ်နိုင်ငံ ကိုင်ရိုမြို့ရှိ Arabic Language Institute of the American University နှင့် ဆီးရီးယားနိုင်ငံ ဒမတ်စကတ်မြို့ရှိ Institut français d'études arabes de Damas (L'IFEAD) တို့တွင် ပညာသင်ယူပြီးနောက် နယူးယောက်တက္ကသိုလ်၏ အနုပညာနှင့် သိပ္ပံကောလိပ်မှ အရှေ့အလယ်ပိုင်းနှင့် အစ္စလာမ္မစ် ဘာသာ ပထမဘွဲ့ကို ၂၀၀၅ခုနှစ်တွင် ရရှိခဲ့ပါသည်။

Meredith Whittaker

Meredith Whittaker သည် Signal ၏ ဥက္ကဋ္ဌ ဖြစ်ပြီး Signal Foundation ဒါရိုက်တာဘုတ်အဖွဲ့ဝင်တစ်ဦးလည်း ဖြစ်ပါသည်။

သူမသည် နည်းပညာ၊ စက်မှုလုပ်ငန်း၊ ပညာရေးနှင့် အစိုးရ အဖွဲ့အစည်း အတွေ့အကြုံ 17 နှစ်ကျော် ရှိထားပါသည်။ Signal တွင် ဥက္ကဋ္ဌအဖြစ် မပါဝင်မီ NYU ၌ Minderoo Research Professor လုပ်ခဲ့ပြီး သူမ ပူးတွဲတည်ထောင်ထားသည့် AI Now Institute တွင် Faculty Director အဖြစ် တာဝန်ထမ်းဆောင်ခဲ့ပါသည်။ သူမ၏ သုတေသနနှင့် ပညာရပ်ဆိုင်ရာ လုပ်ငန်းက ကမ္ဘာလုံးဆိုင်ရာ AI ပေါ်လစီကို ဖော်ဆောင်ရာတွင် အထောက်အကူဖြစ်စေခဲ့ပြီး အများပြည်သူ သိရှိထားသည့် AI အကြောင်းမိတ်ဆက်ကို ခေတ်မီ AI လိုအပ်သည့် စက်မှုလုပ်ငန်း အရင်းအမြစ်များ၏ အာရုံစူးစိုက်ရေးနှင့် စောင့်ကြည့်ရေး လုပ်ငန်းများကို ပိုမိုကောင်းမွန်စွာ အသိအမှတ်ပြုနိုင်သည်အထိ လုပ်ဆောင်နိုင်ခဲ့ပါသည်။ သူမသည် NYU တွင် မလုပ်မီ Google တွင် ဆယ်စုနှစ်တစ်ခုကျော် ကြာအောင် အလုပ်လုပ်ခဲ့ပြီး Google ၏ Open Research Group ကို တည်ထောင်ပြီး ထုတ်ကုန်နှင့် အင်ဂျင်နီယာအဖွဲ့များကို ဦးဆောင်ခဲ့ပါသည်၊ အင်တာနက် စွမ်းဆောင်ရည်တွင် Open Data ၏ ကမ္ဘာ့အကြီးဆုံး အရင်းအမြစ်ကို လက်ရှိပံ့ပိုးပေးနေသည့် ကမ္ဘာအနှံ့ ဖြန့်ချိထားသော ကွန်ရက် ဆောင်ရွက်မှု ပလက်ဖောင်း M-Lab ကိုလည်း တွဲဖက်တည်ထောင်ခဲ့ပါသည်။ သူမသည် Google တွင် ဦးဆောင်ဖွဲ့စည်းရာ၌လည်း ကူညီခဲ့ပါသည်။ သူမသည် Google Walkout ၏ အဓိကကျသော စီစဉ်သူတစ်ဦး ဖြစ်ပြီး AI နှင့် ၎င်းအန္တရာယ်အတွက် စိုးရိမ်ပူပန်မှုများအပေါ် ကုမ္ပဏီ၏ မလုံလောက်သော တုံ့ပြန်မှုများကို ပြန်လည်ဆန့်ကျင်ရာ၌ အဓိကစီစဉ်သူတစ်ဦးလည်း ဖြစ်ခဲ့ပါသည်။ သူမသည် အိမ်ဖြူတော်၊ FCC ၊ နယူးယော့ခ်မြို့တော်၊ ဥရောပ ပါလီမန်နှင့် အခြားသော အစိုးရနှင့် အရပ်ဘက်အဖွဲ့အစည်းများစွာကို ကိုယ်ပိုင်အချက်အလက်၊ လုံခြုံရေး၊ ဉာဏ်ရည်တု၊ အင်တာနက် ပေါ်လစီ၊ စီမံချက်များနှင့်ပတ်သက်၍ အကြံပေးခဲ့ပါသည်။ သူမသည် မကြာသေးမီက US ဖက်ဒရယ် ကုန်သွယ်ရေး ကော်မစ်ရှင်တွင် ဥက္ကဋ္ဌထံ AI နှင့်ပတ်သက်၍ အကြီးတန်း အကြံပေးအဖြစ် သက်တမ်းတစ်ခုစာ တာဝန်ထမ်းဆောင်ခဲ့ပါသည်။

ကျွန်ုပ်တို့၏ မစ်ရှင်

ကိုယ်ပိုင်အချက်အလက် လုံခြုံရေးသည် ပထမ

Open Source

အကျိုးအမြတ် မယူ

ဖောင်ဒေးရှင်း + LLC

ကိုယ်ပိုင်အချက်အလက်သည် အကျိုးအမြတ်ထက် ပိုအရေးကြီးပါသည်

Foundation + LLC ဖွဲ့စည်းပုံ

အားလုံးအတွက် အခမဲ့